27.06.2017

Posted by A.Nurtassov on December 08, 2016

2017 жылы теннистен Қазақстан ерлер және әйелдер құрамалары ойындарын Астанада өткізеді.

6-11 ақпанда Астана қаласындағы Ұлттық теннис орталығында Азия-Тынық мұхит аумағы бірінші тобының матчтары өтіп, Қазақстан әйелдер құрамасы Федерация кубогы Әлемдік тобының плей-офф кезеңіне шығу үшін бірқатар кездесулер өткізеді.

Екінші Әлемдік топқа шығу үшін Өзбекстан, Қытай, Таиланд, Жапония, Үндістан, Оңтүстік Корея және Филиппин елдері таласады.

Ерлер құрамасы жарысты Азия-Тынық мұхит аумағының екінші кезеңінен бастайды. Жарыс Астанада 7-9 сәуірде өтеді. Біздің құраманың қарсыласы 3-5 ақпанда бірінші кезеңдегі Қытайлық Тайпей мен Қытай арасында өтетін кездесуде анықталады.

Естеріңізге сала кетейік, 2016 жылы теннистен Қазақстан әйелдер құрамасы Азия-Тынық мұхит аумағы бірінші тобында 6-орынға ие болды. Ал, ерлер құрамасы Әлемдік топтың плей-офф кезеңінде Ресей командасына 1:3 есебімен жол беріп, Азия-Тынық мұхит аумағы бірінші тобына қайтып келді.

ktf.kz

left010000, Қазақстан Республикасы Астана қаласы, Қонаев көшесі, 4 Байланыс телефондары: +7 (7172) 39-47-31

© 2013-2017 «Қазақстан» РТРК» АҚ

Барлық құқықтары қорғалған

Сайт Интернет редакциясында дайындалған



Жазылу

.