22.07.2017

Posted by A.Sagandykova on April 26, 2017

Жеңіл атлеттеріміз Қытайдың Цзиньхуа қаласында өткен  Азия біріншілігінен олжалы оралды,  деп хабарлайды ҚазАқпарат тілшісі.

Аталмыш додаға Қазақстан атынан 16 спортшы (12 әйел, 4 ер) қатысып, аруларымыз екі бірдей алтын медаль жеңіп алды.

Алғашқы алтынды Виктория Зябкина 100 метрлік қашықтықта жүгіруден қанжығасына байласа, 4*100 эстафетасында қыздарымыз екінші алтынды ел қоржынына салды.

Универсиада ойындарының үш дүркін чемпионы Виктория Зябкина 100 метр қашықтықты 11,44 секундта жүгіріп өтті. Екінші болып тағы бір қазақстандық Ольга Сафронова 11,59 секунд нәтижесімен мәреге жетті.

Айта кетсек,  эстафетада Римма Кашафутдинова (Қарағанды), Светлана Голендова (Жамбыл), Анастасия Тулапина (Алматы) және Юлия Рахманова (Алматы) жарыс жолына шыққан еді.

 

left010000, Қазақстан Республикасы Астана қаласы, Қонаев көшесі, 4 Байланыс телефондары: +7 (7172) 39-47-31

© 2013-2017 «Қазақстан» РТРК» АҚ

Барлық құқықтары қорғалған

Сайт Интернет редакциясында дайындалған



Жазылу

.